Veteran vann pris

Saman med tre gamle maskinar tok Kjosås turen til Haugesund i helga. Der deltok han i ei anleggsutstilling for veteranmaskinar, i regi av Maskinentreprenørenes Forbund (MEF).

Veteranmaskinen som gav Kjosås 2.-plassen, er ein Volvo Buster med Hymas gravemaskin og skjer, også kalla traktorgravar, frå 1963. Maskinen vart kjøpt på Kvam Samvirkelag i 1970, opplyser Kjosås.

Dei to andre maskinane kvemmingen stilte ut, var ein tohjulstraktor med hengar og ein «Gråtass». Medan fyrstnemnde er av sorten Bucher K2 1959-modell, er gråtassen ein 1954-modell som kom til garden i 1960, forklarar eigaren.

Vinnar av veteranutstillinga var Runar Stol, som stilte ut ein Mack tippbil. 3.-plassen tok Erik Gravleseter, som stilte ut ein betongbil.