Dobbelt så mange bubilar dei siste ti åra
Ved årsskiftet var det registrert nærare 52.000 bubilar i Noreg. Det er nesten dobbelt så mange som for ti år sidan.
I alt var det registrert 51.728 bubilar i Noreg ved årsskiftet, mot 26.800 ved inngangen til 2010, viser tal frå Statistisk sentralbyrå (SSB).
– Det er ein ganske formidabel vekst. Vi har ikkje tal for utanlandske bubilar på norske vegar, men vi veit jo at det vanlegvis er mange av dei, og det er grunn til å tru at veksten òg i fleire andre land har vore stor, seier seniorrådgivar Geir Martin Pilskog i SSB.
Annonse
(©NPK)
