Bilførar mista kontrollen og landa på sida
Ein bil med to personar køyrde av vegen og landa på sida på Kvamskogen fredag føremiddag.
Publisert
Sist oppdatert
Det fortel operasjonsleiar Helge Blindheim i Vest politidistrikt til HF.
Meldinga kom klokka 11.09. Politiet, brann- og redningstenesta og ambulansetenesta rykte ut til staden.
Annonse
Blindheim seier til HF at dei to kvinnene i bilen skal ha kome seg ut på eiga hand ved å knusa frontruta.
Innsatsleiar Jarle Sjo Myklebust ved Kvam politistasjon opplyser til HF at bilen kom frå Bergen i retning mot Norheimsund, og at bilen truleg fekk ei form for sladd i ein sving. Han landa på sida, med fronten i retning mot Bergen. Dei to kvinnene fekk tilsyn av helsepersonell på staden og vart sidan sende med ambulanse til kontroll på legevakta i Norheimsund. Dei vart ikkje alvorleg skadde, opplyser Myklebust.
Ulukka hende i nærleiken av avkøysla til Wallemtunet. Fylkesveg 49 vart som fylgje av ulukka sperra i eitt køyrefelt på staden, opplyser Statens vegvesen. Bilbergar kom for å henta bilen.
Vegen er glatt i området, melder politiet.
