Lite isras i Tokagjelet

Mykje is skal falla ned frå fjellsidene i Tokagjelet. Onsdag kom litt av han.

Då HF køyrde opp fylkesveg 49 i gjelet onsdag føremiddag, var det eine køyrefeltet delvis sperra av is som hadde falle ned som fylgje av vêromslaget dei siste dagane.

Det var mogeleg å koma seg forbi isen ved å køyra i motsett køyrefelt, opplyser HF sin bladfyk på staden.

Vegtrafikksentralen vest er varsla om israset, og har lova å rydda opp. Mykje is heng framleis att langs vegen.