Kva gjer du med julepapiret når gåvene er opna?

Etter at presangane på julaftan er pakka opp og papiret ligg strødd, kjem spørsmålet: Kvar blir julegåvepapiret kasta? Svaret overraskar kanskje mange.

Det glansa gåvepapiret kastar du i restavfallet. Gråpapir, naturpapir og kraftpapir, med og utan mønster, blir sortert som papir og blir materialgjenvunne.

– Sjølv om det glansa papiret ser ut som papir, inneheld det lite papirfiber og kan ikkje gjenvinnast til nytt papir, seier Sylvelin Aadland, ansvarleg for Sortere.no i LOOP, stiftinga for kjeldesortering og gjenvinning.

Mange tenkjer at julegåvepapiret kan vere eit godt alternativ til opptenningsved. Men det blir frårådd.

– Kastar du glansa gåvepapir i peisen, vil det dannast ekstra mykje sot som aukar risikoen for pipebrann. I tillegg gir det nesten ingen varme, seier Aadland.

Det beste tipset er å gjenbruk gåvepapiret. Bruk det du har eller lag gåveinnpakning som går på omgang i familien. I tillegg til at julegåvene får eit personleg preg, bidreg du også til å skape litt mindre avfall.

(©NPK)