Bil køyrde av vegen på Kvamskogen
Ein bil køyrde sundag føremiddag av fylkesveg 49 ved Kleiva på Kvamskogen.
Det opplyser Vest politidistrikt, som fekk melding om hendinga klokka 10.24, i Politiloggen.
Føraren, som var åleine, kom seg ut av bilen og var vaken etter hendinga. Bilen hamna på sida i grøfta.
Artikkelen held fram under annonsen.
Skadeomfanget var uvisst då politiet og ambulansetenesta var på veg til staden klokka 10.45. Nokre minutt seinare var ambulansen vel framme, og føraren fekk tilsyn av helsepersonell.
Vedkomande vart frakta til sjukehus med ambulanse, ifylgje politiet, som oppretta sak og skulle avhøyra føraren.
Klokka 11.35 vart det meldt at endåtil politiet og bilbergaren var komne til staden, og klokka 12.17 var dei ferdige på staden. Bilbergaren fekk ikkje med seg bilen, for det trongst kranbil for å få han vekk.
Det var slapseføre på Kvamskogen då ulukka hende, melde politiet.
