Fylkesveg 79 er open
Fylkesveg 79 er ikkje lenger stengd mellom Steinstø og Kvanndal.
Det opplyste Vegtrafikksentralen vest på X klokka 9.30.
Vegen vart stengd mellom Steinstø og Kvanndal klokka 22 torsdag kveld på grunn av overfløyming og fare for ras. Ei ny vurdering skulle gjerast fredag klokka 10, men allereie klokka 7 var stenginga ved Steinstø flytta til Kjepso.
Artikkelen held fram under annonsen.
Det opplyser trafikkvakt Erik Opheim Vikane til HF. Ein geolog har vore i området for å vurdera situasjonen, og det har vorte rydda vekk eit mindre steinras, sa Vikane.
Fylkesveg 576 mellom Saltvika på Omastrand og Mundheim er framleis stengd etter eit jordras. Ei ny vurdering skal gjerast klokka 11, opplyser Statens vegvesen.
Elles har det vore ei roleg natt i Kvam. Det opplyser fungerande ordførar Frode Nygård etter at han deltok i ei oppsummering med den kommunale kriseleiinga fredag morgon. Brannsjef Torleif Ones seier brannmannskap i Ålvik har vore ute på to oppdrag – eitt hjå Elkem Bjølvefossen og eitt i Vetletveitvegen. Fleire detaljar hadde han ikkje å dela då HF var i kontakt med han.
