Mellombels ope mellom Oma og Mundheim
Eit jordras torsdag førte til stengd veg mellom Saltvika på Omastrand og Mundheim. No er vegen mellombels opna.
Jordraset skal ha gått ved Skarvebekken på Mundheim. Det melde Vegtrafikksentralen vest på X torsdag klokka 21.04.
Raset førte til at fylkesvegen stengde. Ei ny vurdering vart teken fredag føremiddag. Klokka 11.30 opplyste Statens vegvesen at vegen er open, men at han stengjer att om lag klokka 15 fredag.
Artikkelen held fram under annonsen.
– Vegen må stengjast i 15–16-tida for å ta ned ei steinblokk. Jobben vil ta om lag ein time å gjennomføra. Etterpå vil vegen opna att, står det i meldinga.
