– Fylgjer situasjonen tett
Kvam herad har sett i verk tiltak i høve ekstremvêret «Jakob», men har førebels ikkje sett krisestab.
Det opplyser rådmann Anita Hesthamar i eit presseskriv torsdag ettermiddag.
Torsdag føremiddag var heradet i møte med Statsforvaltaren, som mellom anna informerte om at nedbørsmengda vil auka dei komande timane.
Artikkelen held fram under annonsen.
Administrasjonen fylgjer situasjonen tett, og ein del førebyggjande tiltak er allereie gjorde, skriv rådmannen. Mannskap har gått gjennom bygg og tekniske anlegg med tanke på store vassmengder, og kritiske punkt vart overvaka gjennom natta. Dette arbeidet er styrkt i dag og vil halda fram utover kvelden.
– Særleg i bekkar og vassdrag, til dømes Øysteseelva, fylgjer me med på utviklinga, skriv rådmannen.
Sjå fleire foto frå «Jakob» her (foto: Charlotte Svendsen):
Bilete 1 av 7
Kommunal helt på vegen ved Eidesvågen.Bilete 2 av 7
Helst våt parkeringsplass ved Spar i Norheimsund.Bilete 3 av 7
Steinsdalsfossen i vekst.Bilete 4 av 7
Steinsdalselva.Bilete 5 av 7
Ny andedam i Steinsdalen.Bilete 6 av 7
Klassisk motiv i vått vêr i Steinsdalen.Bilete 7 av 7
I alle fall dei fleste elevane ved Norheimsund skule ser ut til å ha kledd seg etter vêret.Også helseberedskapen er gått gjennom, og der er det teke nokre grep for å sikra at heradet skal vera i stand til å levera helsetenester det komande døgeret, står det.
Elles minner Kvam herad om oppmodinga om å halda god avstand til elver og bekkar med stor vassføring, og å unngå unødig ferdsle på vegane.
Slik såg det ut ved Eidesvågen i Tørvikbygd torsdag ettermiddag:
