Tunnel vart stengd
Hansagjeltunnelen på fylkesveg 49 i Tokagjelet vart stengd sundag.
Det melde Vegtrafikksentralen Vest på X klokka 11.45. Tunnelen vart stengd på grunn av eit køyretøy som stoppa. Vest politidistrikt melde like etter at ein radiator på ein bil kokte, noko som igjen førte til ein del kvit røyk eller damp i området.
– Det er ikkje fare for at noko skal byrja å brenna, skreiv politiet i meldinga.
Artikkelen held fram under annonsen.
Klokka 12.00 melde Vegtrafikksentralen Vest tunnelen var open att. Brannvesenet hadde klarert tunnelen, og ingen køyretøy var funne.
