Regjeringa vil oppheve teieplikta for prestar

I dag har prestar i Den norske kyrkja ei lovpålagd teieplikt. Dette foreslår regjeringa å oppheve.

– Det er ein grunnleggjande verdi at det finst trygge rom for fortrulege samtalar. Dette er eit gode som har vorte halde oppe av kyrkjene i lang tid, og der fleire trus- og livssynssamfunn har gitt ulike bidrag etter kvart som sektoren i Noreg har vorte meir mangfaldig. Den gjeldande reguleringa reiser likevel fleire utfordringar som vi må sjå nærare på, seier barne- og familieminister Kjersti Toppe (Sp) i ei pressemelding.

I eit høyringsnotat foreslår regjeringa å oppheva den lovpålagde teieplikta, mellom anna fordi utviklinga på feltet har gjort det uklart kven som fell inn under omgrepa «prestar og forstandarar og hjelparane deira» i straffelova paragraf 211.

(©NPK)