MC-velt på Kvamskogen
Ein MC velta på ved Løken på Kvamskogen torsdag ettermiddag.
To personar var innblanda i den såkalla singelulukka. Dei skal vera oppegåande, men utover det er skadeomfanget ukjent, melde Vest politidistrikt klokka 15.57. Då var naudetatane på veg til staden. Politiet og ambulansetenesta var framme klokka 16.21.
Føraren vart frakta til Haukeland universitetssjukehus, medan passasjeren er sjekka av helsepersonell på staden, melde politiet klokka 17.17. Bilbergar var då komen til staden.
Artikkelen held fram under annonsen.
Ifylgje politistasjonssjef Terje Sperrevik ved Kvam politistasjon hevda føraren å ha treft ein stein og så køyrt utfor vegen. Politiet oppretta sak etter hendinga.
Meldinga om ulukka på fylkesveg 49 kom klokka 15.51.
