Fosse, Knausgård og Lier Horst er dei mest omsette norske forfattarane

Trioen Jon Fosse, Karl Ove Knausgård og Jørn Lier Horst er dei norske forfattarane som oftast får bøkene sine omsette til andre språk.

Det viser 2023-oppsummering til NORLA, som er Senter for norsk litteratur i utlandet. NORLA fekk i fjor tilskot til omsetjing av 546 bøker på 51 språk, noko som er ein liten auke frå året før.

Barne- og ungdomsbøker utgjer snautt ein firedel av alle omsetjingane, uavhengig av sjanger.

Norske bøker blir aller mest omsette til tysk, dansk og svensk. Ein gav tilskot til omsetjing av norske bøker i tre nye språkdrakter i fjor, nærare bestemt frisisk, irsk og thai, viser årsmeldinga vidare.

Den skildrar gjestelandsprosjekt knytt til sentrale bokmesser som noko NORLA satsar mykje på.

Mellom anna skal Noreg vere gjesteland på den store, tyske bokmessa i Leipzig neste år, dit eit 30-tals norske forfattarar med nye bøker skal dra – blant dei nettopp Knausgård.

I 2026 ventar barnebokmessa i Bologna og ny gjestelandstatus, der Norlas mål er å gi norske barne- og ungdomsbokforfattarar og -illustratørar eit internasjonalt løft.

(©NTB)