Tre personar involverte i ulukke
To bilar var innblanda i ei trafikkulukke sør for Gravdal laurdag morgon.
Ulukka hende på fylkesveg 48 mellom Bergadalen og Eikeneset, melde Vest politidistrikt. Meldinga om ulukka kom klokka 07.00. Politiet rykte ut.
Dei tre personane i dei to bilane var vakne og medvitne etter ulukka. Etter ein helsesjekk var det klart at dei var uskadde, ifylgje politiet.
Artikkelen held fram under annonsen.
Operasjonsleiar Knut Dahl-Michaelsen seier til Bergens Tidende at bilane fekk store materielle skadar. Ein av dei vart ståande i grøfta og ein delvis i vegen. Vegen vart difor sperra medan politiet venta på bilberging, men etter kvart vart eitt felt opna med manuell dirigering.
Politiet har oppretta sak. Det er ikkje mistanke om køyring i rusa tilstand, fortel politistasjonssjef i Kvam, Terje Sperrevik.
