Vestlandet: – Lat bilen stå viss du ikkje må køyra!

Vegtrafikksentralen Vest varslar at det kjem til å bli store seinkingar og problem på vegane viss vêrmeldinga slår til i dag.

Det er gult farevarsel og fare for mykje snø. Snøvêret har så vidt byrja, men førebels går det greitt på vegane, opplyste Vegtrafikksentralen i 7.30-tida.

– Det ser ut til at det er litt mindre morgonrush enn vanleg, så mange kan ha valt å la bilen stå, seier trafikkoperatør Andreas Herland til NTB.

Det er ein god idé, meiner han.

– Ja, me vil tilrå folk å lata bilen stå viss dei ikkje må køyra.

Det er fleire bussar som har slite i morgontrafikken og vorte ståande fast på glatta.

– Det er hovudsakleg sånn at hovudvegane er greie, medan det er litt meir snø på sidevegane. Viss vêrmeldinga slår til, så kjem det til å bli store seinkingar og problem utover dagen. Dei som køyrer, må rekna god tid og køyra etter forholda, seier Herland.

Vegvesenet har alt av mannskap ute.

(©NPK)