Skatteetaten åtvarar om nye svindelforsøk på e-post
Skatteetaten åtvarar mot eit svindelforsøk med e-postar som gir seg ut for å komme frå skattedirektøren.
E-postane som har dukka opp den siste tida, gir seg ut for å komme frå skattedirektør Nina Schanke Funnemark og hevdar mottakaren skal få skatterefusjon.
Denne typen svindelforsøk blir oppdaga jamleg gjennom året, og det er viktig å vere på vakt mot slike, heiter det i ei pressemelding.
Artikkelen held fram under annonsen.
– Vi sender ikkje ut slike e-postar uoppmoda, seier tryggingsdirektør Ragna Fossen i Skatteetaten.
(©NPK)
