Meteorologisk institutt med dyster melding: – Ikkje alle får det beste rakettvêret nyttårsaftan
Overgangen til 2024 vil bli prega av mykje dårleg vêr, og forholda for fyrverkeri vil ikkje vere dei beste fleire stader i landet.
– Ikkje alle får det beste rakettvêret i overgangen til 2024, skriv Meteorologisk institutt på X, tidlegare Twitter.
Dei fortel vidare at det vil blåse kulig fleire stader i sør, medan det i søraust også vil snø tett.
Artikkelen held fram under annonsen.
– I nord blir det både mindre vind og lettare skydekke, men der blir det kaldt, skriv instituttet.
(©NPK)
