Rekordmange born i SFO
Totalt går omtrent 172.000 born over heile landet på skulefritidsordninga (SFO), ein auke på omtrent 12 prosentpoeng frå hausten 2021. Det er ny rekord.
Auken har vore størst blant andreklassingar. Blant dei har deltakinga gått frå 79 prosent til 92 prosent.
Den kraftige auken kjem truleg av at regjeringa i haust innførte 12 timar gratis SFO i veka også for alle andreklassingar.
Artikkelen held fram under annonsen.
– Me har prioritert gratis SFO-tilbod for å jamne ut sosiale forskjellar og byggje ein sterkare fellesskule for alle. Dette har ført til at mange fleire born no går på SFO, seier kunnskapsminister Kari Nessa Nordtun (Ap).
Oppgangen er størst i Agder, der deltakinga har stige med heile 23 prosentpoeng.
Neste haust blir tilbodet om 12 timar gratis SFO i veka utvida til å omfatte tredjeklassingar òg. Deltakinga blant denne gruppa ligg no på 63 prosent. Berre 37 prosent av fjerdeklassingar går i dag på SFO.
– Dette er ei historisk utviding av fellesskulen. I SFO kan borna lære og utvikle seg gjennom leik, venskap og fritidsaktivitetar. Prislappen på SFO skal ikkje hindre born frå å delta, seier Nordtun.
(©NPK)
