Fosses dotter om at faren fekk nobelprisen: Vart sjokkert, men glad
Fosses elleve år gamle dotter Erli vart sjokkert, men glad då ho først fekk høyre at faren hadde fått nobelprisen i litteratur.
– Eg vart litt sjokkert, men eg vart sjølvsagt også veldig glad fordi det er jo ein veldig stor ting, seier elleveåringen til SVT.
Ho stilte søndag opp i eit kort TV-intervju på banketten som blir halden til ære for far hennar og dei andre nobelprisvinnarane.
Artikkelen held fram under annonsen.
– Eg synest det er veldig fint å få lov å vere med. Det er veldig hyggeleg å sitje her på banketten, seier dottera.
Ho er omtrent på same alder som Fosse sjølv var då han først byrja å skrive. Då dottera blir spurd om kva ho sjølv drøymer om, seier ho at ho kanskje ønskjer å bli journalist.
Fosses kone Anna var også med på banketten søndag.
(©NPK)
