Kulturministeren: – Stor dag for norsk litteratur
Kulturminister Lubna Jaffery var på plass då Jon Fosse fekk nobelprisen i litteratur i Stockholm søndag. Ho kallar seremonien ei sterk oppleving.
– Dette er ein stor dag for norsk litteratur og Noreg, ein dag vi kjem til å hugse, seier Jaffery til Bergensavisen.
Ho hadde ikledd seg bunad for å feire den norske nobelprisvinnaren i Stockholm. Ho var også på plass då Fosse heldt nobelforedraget sitt torsdag.
Artikkelen held fram under annonsen.
– Eg trur vi er mange som er djupt ramma av den nydelege nobelforelesinga som Fosse heldt på torsdag. Det har vore med på å gjere denne prisutdelinga til ei veldig sterk oppleving. I Jon Fosse har vi ein forfattar og ein forfattarskap å vere stolte av og glad i, seier Jaffery.
(©NPK)
