Trafikkulukke i Kvam
Fire personar var involverte i ei trafikkulukke på Kvamskogen laurdag kveld.
Bilen køyrde i retning Norheimsund, og køyrde av vegen i 60-sona like før Kvamskogen Landhandleri. Politiet fekk melding om ulukka klokka 23.50, opplyser politioverbetjent Anne Siri Tyssedal ved Kvam politistasjon.
Naudetatane rykte ut. Føraren var skadd, men medviten og oppegåande etter hendinga, melde Vest politidistrikt på X. Føraren vart send vidare til undersøking. Dei tre andre kom uskadde frå hendinga.
Artikkelen held fram under annonsen.
Framkoma på fylkesveg 49 var redusert ei tid etter ulukka. Bilbergar vart tinga, men bilen vart ståande til sundag.
Politioverbetjent Jarle Sjo Myklebust opplyser at det er oppretta sak, og at føraren er mistenkt for å ha køyrt aktlaust. Saka lyt undersøkjast nærare. Politiet har enno ikkje snakka med føraren, opplyser politioverbetjenten.
