Fjord1 er selt til to utanlandske fond

Ferje- og hurtigbåtselskapet Fjord1, som har nesten halvparten av dei norske ferjene, er seld til dei to europeiske fonda Dif Capital Partners og EDF Invest.

Selskapet er eigt av Havila Holding og Vision Ridge Partners, som kvar har 50 prosent av aksjane.

– Me gjekk inn i Fjord1 med ein klar plan om å vere langsiktige eigarar. Ein del av det er å vere ansvarlege eigarar, og det ansvaret har vi no teke ved å selje, seier Vegard Sævik frå Havila Holding i ei pressemelding.

Han grunngir salet med at kapitalkostnad blir ein viktig konkurransefaktor framover.

– Der har me som norske eigarar eit handikap. Vi ønskjer å bli verande i Noreg, og skal vi halde fram med å vere her, så kunne me for Fjord1 si skuld ikkje tvihalde på eigarskapen, seier Sævik.

Han meiner dei nye eigarane kan sikre Fjord1 konkurransekraft.

Administrerande direktør Dagfinn Neteland seier at han har eit godt inntrykk av dei nye eigarane, og ser fram til å utvikle selskapet vidare i åra som kjem.

– Det har vore ein lang og grundig prosess, der me har opplevd stor interesse for selskapet frå ei rekkje aktørar, seier han i ei pressemelding.

Aksjane i «Fjords Tours», «The Fjords» og «Widerøe» ikkje er med i salet. Det er venta at prosessen blir sluttført i 2024.

(©NPK)