Ferjetrøbbel etter straumbrot

Eit straumbrot i Jondal gjorde at ferjesambandet mellom Tørvikbygd og Jondal vart stengt inntil vidare, skreiv Fjord1 i ei melding klokka 10.43. Kort tid seinare kom meldinga om at sambandet var attende i drift, men at det ville verta seinkingar. Klokka 12.48 melde Fjord1 at det er normal drift på sambandet.

Ifølgje Hardanger Folkeblad mista alle straumkundar frå Jondal i retning Gausvik mot Kysnes straumen torsdag føremiddag. 570 kundar skal ha vorte råka. Ein del av dei fekk straumen attende klokka 10.50. Klokka 11.40 skal alle ha fått straumen attende.