– Bil valt på Kvamskogen
Fire personar i tenåra sat i ein bil som valt i nærleiken av Jonshøgdi på Kvamskogen tysdag ettermidddag.
Vest politidistrikt opplyste at bilen hamna på sida i vegbanen etter å ha treft ein skavl. Alle dei fire kom seg ut av køyretøyet og var medvitne. Dei fire vart frakta til kontroll på legevakta i Norheimsund.
Det skal ha vore glatt på staden då ulukka hende, opplyste politiet på Twitter klokka 16.23. Politiet og ambulanse var då komne til staden, og bilbergar var tinga. Vegen var heilt eller delvis stengd ei tid etter ulukka.
Artikkelen held fram under annonsen.
Ulukka vart varsla klokka 15.41, ifylgje politiet, som ikkje mistenkjer køyring i rusa tilstand. Førarkortet til føraren er ikkje kverrsett.
