Gult farevarsel om snøfokk i fjellet i Sør-Noreg
Meteorologane har sendt ut gult farevarsel om snøfokk i fjellet i Sør-Noreg. Dei ber folk berekne ekstra tid om dei skal over fjellet.
– Vind og snø kan gi utfordrande køyreforhold, så rekn inn ekstra tid om du skal over fjellet, skriv Meteorologene på Twitter.
Det er observert lokal snøfokk i fjellet på grunn av kraftig vind. Kolonnekøyring kan bli innført og vegar kan bli stengde på kort varsel, skriv dei.
Artikkelen held fram under annonsen.
Det er allereie innført kolonnekøyring over E134 Haukelifjell. Fv 27 Venabygdsfjellet og Fv 50 Hol – Aurland er stengt grunna uvêr.
(©NPK)
