HRS åtvarar om betydeleg snøskredfare

Hovudredningssentralen Sør-Noreg melder om stor fare for snøskred på grunn av kraftig snøfall og minner om fjellvitreglane.

Det er venta eit kraftig snøfall over Sør-Noreg dei kommande dagane. HRS sender i det høvet ut varsel om betydeleg snøskredfare via Twitter-kontoen sin.

– Det er sendt ut varsel om BETYDELEG SNØSKREDFARE. Sjekk vêr og føreforhold der du skal ut og ferdast, og legg ein plan for ein trygg og fin tur, skriv dei.

I Møre og Romsdal blir varsla snøskredfare på nivå tre både fredag og laurdag, ifølgje varsom.no. HRS oppmodar til å sjå an vêret før ein går ut på tur, og å følgje fjellvitreglane.

(©NPK)