Auka pengestøtte til musikkorpsa

Regjeringa løyver no 1,5 millionar kroner til å byggje opp att korpsmiljøet etter pandemien.

– Desse pengane ei utstrekt hand til korpsa, seier kultur- og likestillingsminister Anette Trettebergstuen i ei pressemelding.

Pandemien var fatal for musikkorpsa. Om lag 3.000 born og unge er forsvunne frå skulekorpsa no når restriksjonane er oppheva. Det utgjer om lag ti prosent av skulekorpsmusikantar og drillarar.

I samband med fordelinga av restmidlar frå overskotet til Norsk Tippings kulturformål, får Norges Musikkorps Forbund (NMF) 1,5 millionar kroner. NMF jobbar for korpsa i Noreg og vil leggja til rette for at kvart enkelt korps skal styrkjast.

– Dette er miljø som me må ta vare på og styrkja. Me veit at det er behov for å løfta dei etter pandemien, seier Trettebergstuen.

(©NPK)