Voss har opplevd fem 20-årsflaumar på åtte år

Voss herad har opplevd fem 20-årsflaumar på åtte år, og i framtida vil dei store flaumane truleg oppstå endå hyppigare.

Klimaforskar ved Universitetet i Bergen Kjersti Daae har henta ut tal frå Noregs vassdrags- og energidirektorat (NVE), som viser at store flaumar har ramma kommunen langt hyppigare ein normalt dei siste 20 åra.

– Ein 20-årsflaum kan bety at det i løpet av eitt år er ein tjuandedels sjanse for ein slik flaum, eller at det er sannsynleg at vi får éin slik flaum på 20 år. No har det altså vore fem slike på åtte år, seier Daae til NRK.

Daae forklarer at høgare temperaturar fører til fleire og større flaumar. Og ifølgje NVEs berekningar, vil dei store flaumane komme endå hyppigare i framtida.

(©NPK)