– Raudt nivå er svært sjeldant
– Me kan få store skadar, seier regionsjef Aart Verhage i NVE.
Noregs vassdrags- og energidirektorat innførte fredag raudt farenivå for flaum mellom anna i Kvam og Ullensvang til laurdag morgon.
– Det er ein ekstrem situasjon som førekjem svært sjeldan. Me kan få store skadar, seier Verhage.
Artikkelen held fram under annonsen.
Vasstanden aukar raskt, og det er varsla at nedbøren held fram til midnatt. Når det gjeld jord- og flaumskred, er farenivået oransje i vårt område.
NVE rår alle til å halda seg vekke frå bratt terreng, bekker og elveløp med stor vassføring, og helst ikkje ferdast utandørs i utsette område. Privatpersonar bør flytta eigendelar og opna vassvegar slik at vatnet kan renna fritt, formanar NVE.
Også Vest politidistrikt oppmodar folk om å vera varsame og ikkje ferdast utandørs om ikkje det er turvande.
