– Meld frå om du finn døde dyr i naturen

Medan ein går tur i naturen kan det skje at ein finn eit dødt eller skadd dyr. Då er det nokre ting ein burde gjere.

Mange brukar sommaren på å gå turar ute i naturen. Det kan hende at ein kjem over eit dødt eller skadd husdyr, som til dømes sau som har blitt sjuke eller skadde på beite. Det er då viktig å melde frå, skriv Nationen.

Det kan vere mange grunnar til at dyr vert skadde eller døyr i naturen. Uansett er det viktig at bonden får raskt beskjed. Ikkje berre fordi at bonden skal vite kvar dyret er, men òg for at bonden kan setje inn tiltak for å unngå fleire dødsfall.

For å få kontakt med eigaren kan ein til dømes kontakte beitelaget på staden. Desse har ofte hengt opp informasjon ved inngangen til området, skriv Statsforvaltaren på sine nettsider. Ein må gjerne gi beskjed om det er andre observasjonar dyreeigaren burde vere merksam på, som laushund, halte dyr og liknande.

Øyremerkt er identitetspapira til beitedyret. På desse står det individnummer og eigar, og i somme tilfelle telefonnummeret til eigaren. Om dette ikkje er tilgjengeleg, kan sannsynlegvis kommunen eller ein anna bonde i området hjelpe til å finne eigaren.

Om ein først har kome over eit skadd eller dødt dyr, skal ein merke funnstaden så det er lett å finne att. Er dyret dødt så la dyret liggje mest mogleg urørt, men fotografar gjerne frå ulike vinklar og dekk det til slik at åtseletarar kjem til. Ein kan òg notere kartreferanse og/eller GPS-punkt. Mistenkjer du at eit rovdyr står bak, så er det anbefalt å melde frå til nærmaste rovviltkontakt (eller bonde/kommune).

Statsforvaltaren minner òg om generell bandtvang frå 1. april til 20. august.

(©NPK)