No kan du enkelt reparere turutstyr på DNT-hyttene
I sommar kan du enkelt reparere og halde ved like turutstyret ditt når du gjestar ei DNT-hytte.
Saman med Bergans og Alfa har Den Norske Turistforening (DNT) samarbeidd om å utstyre alle dei betjente DNT-hyttene i Noreg med eit nyttig reparasjons- og vedlikehaldssett som gjestar kan låne når dei bur på hytta, skriv DNT i ei pressemelding.
Dette gir gjestar moglegheit til å fikse utstyret sitt eller kleda sine slik at det aukar levetida.
Artikkelen held fram under annonsen.
– Med det enkle reparasjonssetet kan ein sitte i solveggen eller framføre peisen på hyttene våre, seier Trygve Sunde Kolderup, seksjonsleiar for natur og berekraft i DNT.
Ifølgje Kolderup er eitt av måla i berekraftsstrategien til DNT å bidra til å redusere kles- og utstyrsforbruk knytt til friluftsliv.
– Vi vil at hyttene våre skal inspirere gjestane til berekraftige og miljøsmarte val, og vi trur dette tiltaket kan bidra til det.
(©NPK)
