Er du på heimekontor og saknar eit arbeidsfelleskap?

Gode naboar og moderne lokale er det du får om du flyttar bedrifta di til Steinsdalsvegen 104. Las du om utleigeplanane for Dalatunvegen i Hordaland Folkeblad for nokre veker sidan? Eller kanskje du såg det på hf.no? Eigedomsutviklar Sæthre har meir spanande på gang.

Det grå og blå bygget i Steinsdalen vart bygd i 2009 og husar fleire solide bedrifter. Huset er 4.920 kvadratmeter stort og er bygd på fleire gonger. Sandvenhagen AS kjøpte bygget i 2018.

– I dag er det om lag 40 arbeidsplassar her, men me har kapasitet til fleire, fortel Sæthre.

Og selskapet er godt. Kvam politistasjon har base her, tingretten leiger rettslokale, byggjevareleverandøren Montér har vareutsal og lager i 1. etasje og teikneavdeling i 3. etasje, Norhand har produksjonslokale, butikk, lager og kontor. Dessutan disponerer dei ein hall som er 14 meter høg. I tillegg finn du kontora Bygg‘da og Johan Skeie her. Altså godt selskap. Sæthre er oppteken av synergieffektar.

– Det er viktig for oss å ha gode leigetakarar som kan bidra positivt til fellesskapet og ha nytte av kvarandre.

Her får du gode grannar

Sæthre synest det er eit sterkt entreprenørskap i kommunen, og mange av dei som han i dag leiger ut til, er bygg- og anleggsbedrifter. Likevel understrekar Sæthre at alle som ynskjer å ta del i eit miljø, er velkomne. Om ein til dømes jobbar mykje åleine, kan det vera utviklande og motiverande å vera i eit kontorfellesskap.

– Sjølv om ein ikkje er i same bransje, vil det å vera saman med andre menneske i arbeidskvardagen tilføra noko positivt. Spesielt for dei som gjerne har hatt heimekontor i lang tid, seier Sæthre.

Det er i dag ti ledige kontorplassar i Steinsdalsvegen, og Sæthre kan tilby enkle kontorplassar med tilgang til møterom og internett frå 3000 kroner i månaden. Om du har behov for meir plass, er ikkje det noko problem.

– Om det er ei bedrift med ein eller ti personar med behov for kort- eller langtidsleige, så er me opne for «business», fortel Sæthre.

Eige bygg over to plan

I tillegg til kontorplassar i hovudbygget har Sæthre eit mindre bygg ledig, ved sida av syavdelinga til Norhand i retning Norheimsund sentrum. Huset har to etasjar og kan fint brukast som eit kombinasjonslokale, til dømes lagerplass nede og kontor oppe.

–I dag er det kontor i begge etasjar, men eg ser for meg at nokon kan driva ein butikk med lager nede og kontor oppe. Det er plass til 5–10 tilsette, møterom og eit mindre utsal, seier Sæthre.

Han fortel at det har vore ei entreprenørverksemd der tidlegare, men den ideelle leigetakaren er nokon som kunne tenkja seg å vera litt for seg sjølv, men samstundes ha full tilgang til alle fasilitetane i hovudbygget. For den rette leigetakaren kan ei ombygging vera aktuell.

–Me leitar etter bedrifter som kan tilføra noko til bygget. Me har hatt mange førespurnader om leige av kantina, men om ein ikkje har eit budsjett og ein plan, og ein ikkje er villig til å bruka eigne pengar, så seier me nei, seier Sæthre.

Hardanger matkasse flyttar inn

Kantina er hjartebarnet til Sæthre. Han har vore i kontakt med fleire aktørar i samband med utleige av kjøkenet og er no stolt over å kunna fortelja at Sandvenhagen AS har signert kontrakt med Patrick Cavalli, som skal driva Hardanger Matkasse.

Matkassen er eit konsept som går ut på at ein får levert vekemeny, oppskrifter og råvarer på døra. Så slepp ein maset med å gå på butikken for å handla og å tenkja ut kva ein skal ha til middag kvar einaste dag. Eit ypparleg tilbod til travle familiar med logistikkutfordringar.

Alt frå ladestasjonar til treningsrom

Alle tilsette har tilgang til treningsrom og garderobar med dusj. Det er heis mellom alle etasjar, handikaptoalett, gode parkeringsfasilitetar og seks ladestasjonar for elbilar. I tillegg til 300 kvadratmeter over to plan i eige bygg er det ledig opptil ti ledige kontorplassar i hovudbygget. Dessutan har bygget ein veldig god standard, ifølgje Sæthre. Etter at Sandvenhagen AS overtok bygget, har det vore gjort ein heil del utbetringar i bygget.

– Det er høgt under taket og god ventilasjon. Nyleg vart det investert i ny ST-styring, eit system som styrer lys, varme og ventilasjon automatisk. Me vil ha alt på stell. Me tek vedlikehald på alvor og er kjapt på ballen om det skulle oppstå noko, seier Sæthre.