Straumsjokk for hytteeigarar
Dei rekordhøge straumprisane gjer at hytteeigarar i Sør-Noreg med hytte på fjellet kan få opptil tredobla straumrekning i vinter.
– Dette er ein økonomisk katastrofe for hytteeigarane, seier Trond G. Hagen i Norges Hytteforbund til Dagbladet.
Milliardpakken som regjeringa la fram i desember, omfattar nemleg ikkje sekundærbustader som hytter eller fritidsbustader.
Artikkelen held fram under annonsen.
Dermed må svært mange eigarar av hytter i Sør-Noreg med innlagd straum no berre stålsetje seg for ein svært dyr vinter, skriv avisa.
– Vi kan ikkje tilrå medlemmene våre å dra på hytta når straumrekninga blir tre gonger så høg som normalt. Kombinasjonen av nettleigeavtalen og manglande straumstøtte blir ein økonomisk katastrofe for hytteeigarane, seier Trond G. Hagen.
– Vi følgjer nøye med på situasjonen i straummarknaden, men frå vår side så har det viktigaste vore å hjelpe hushalda i det som er ein svær krevjande situasjon, seier Terje Lien Aasland, leiar for energi- og miljøkomiteen på Stortinget.
Han peikar på at straumutgiftene for primærbustader uansett er mykje høgare enn for hytter.
(©NPK)
