Digitaliserte kommunestyret i siste liten
Kommunestyremøtet i Ullensvang tysdag gjekk i kveld frå fysisk til digital form.
Avgjerda tok ordførar Roald Aga Haug (Ap) etter pressekonferansen måndag kveld der regjeringa innførte nye smitteverntiltak som gjeld frå og med onsdag.
Møtet var frå før flytta frå rådhuset i Odda til Fjordahallen i Kinsarvik, for å sikra tilstrekkeleg avstand mellom representantane.
Artikkelen held fram under annonsen.
Møtet kunne truleg ha vore avvikla, for regjeringa opnar for inntil 50 personar på offentlege arrangement innandørs med faste, tilviste sitjeplassar.
Kommunen opplyste i ei pressemelding i kveld at det er påvist tre smittetilfelle i dag. Det eine har ukjend smitteveg, medan dei to andre smitta er nærkontaktar av tidlegare smitta. Kommunen mistenkjer ikkje at nokon av dei har omikronvarianten.
