Rykte ut til brann i hekk

Det byrja brenna i ein hekk i eit bustadfelt på Norheim onsdag morgon.

Brannen på framsida av ein bustad i Norheimshagen vart sløkt av huseigaren før han spreidde seg og før brann- og redningstenesta kom til staden. Brannmannskap dreiv sidan med ettersløkking, melder 110 Vest på Twitter.

Politioverbetjent Jarle Sjo Myklebust ved Kvam politistasjon opplyser at brannårsaka er kjend. Ein gjenstand som var sett fyr på, hamna ved eit uhell i hekken.