— Bil på taket i Steinsdalen

Naudetatane rykte måndag ut til ei trafikkulukke i Steinsdalsvegen.

Det opplyste Vest politidistrikt på Twitter like før klokka 10 måndag. Ein bil hadde hamna på taket etter eit trafikkuhell på fylkesveg 49 ved Reistveit vest for Steinsdalsfossen.

Bilføraren, som var aleine i bilen, fekk tilsyn av helse på staden og viste seg å vera uskadd.

Politioverbetjent Jarle Sjo Myklebust ved Kvam politistasjon seier til HF at det er for tidleg å seia kva årsaka til ulukka kan vera. Bilen kom køyrande mot Norheimsund.

Ifylgje Myklebust er førarkortet kverrsett, og det vert oppretta sak. Politiet mistenkjer ikkje at føraren var rusa.