Vil ikkje ha vekst i oppdrettsnæringa
Direktør Sissel Rogne ved Havforskingsinstituttet meiner det er så mange utfordringar for oppdrettsnæringa at det ikkje er rom for vidare vekst.
HI-direktøren meiner det er ein del grunnleggjande problem som må løysast før det er tilrådeleg med ytterlegare vekst.
– Vi må få ned det økologiske fotavtrykket, få ei betre utnytting av arealet og betre fiskevelferd. Det er for mange utfordringar til at ein kan ha vekst i denne næringa. Vi kan ikkje ha meir vekst før næringa har vist at ho kan omstille seg, seier Rogne til Bergens Tidende/E24.
Artikkelen held fram under annonsen.
Geir Ove Ystmark, leiar i Sjømat Norge, meiner det er naudsynt med vekst i næringa.
– Vi må sjå ulike berekraftsmål i samanheng. Vi må auke matproduksjonen i verda og samstundes ta ned klimaavtrykket. Då må vi ha ein vekst i denne næringa for å redusere klimaavtrykket, seier han.
