– Ikkje fysisk søk i Tokagjelet i helga
Vêrtilhøva opnar ikkje for anna enn strand- og overflatesøk dei neste dagane.
Leiteaksjonen etter ulukka i Tokagjelet sundag kveld vil fredag gå ut på strand- og overflatesøk i Movatnet og delar av Hardangerfjorden. Det er ikkje tilrådeleg med fysisk søk i Tokagjelet, men politiet og brannvesenet vurderer om drone skal nyttast i gjelet.
Det opplyser Vest politidistrikt i ei pressemelding fredag føremiddag.
Artikkelen held fram under annonsen.
Også i helga vert søka overflatiske, ettersom det er meldt regnvêr. Det gjer det vanskeleg å søkja med sonar og undervasskamera.
Måndag vil politiet vurdera nye tiltak.
Ruth Wathe (68), Nils Johan Bårdsen (72) og Kjell Arne Pedersen (64) er framleis sakna etter at dei truleg fall frå Langvotnevatnet ned i Tokagjelet.
