Bil hamna i elva
Ein bil hamna i Steinsdalselva onsdag ettermiddag.
To tilreisande hadde stoppa på parkeringsplassen ved Steinsdalsfossen for å vitja attraksjonen. Då dei kom tilbake til parkeringsplassen, var bilen borte. Då hadde han trilla baklengs ut frå plassen og hamna i elva.
Politioverbetjent Anne Siri Tysseland i Kvam, Samnanger og Tysnes lensmannsdistrikt fortel at ingen personar var i bilen, og at ingen er skadd.
Artikkelen held fram under annonsen.
Tysseland opplyser torsdag til HF at årsaka til at bilen byrja trilla, var at handbremsen ikkje var trekt til og at bilen ikkje stod i gir.
