Ny supermåne synleg onsdag

Berre éin månad etter at himmelfenomenet supermåne var synleg sist, blir han igjen å sjå onsdag. Deretter går det over eitt år til neste gong.

Det kallast supermåne når det er fullmåne samtidig som månen står nærast jorda i banen sin. Førre gong det skjedde, var natt til 27. april i år.

Ifølgje Wikipedia vil ein oppleve månen inntil 14 prosent større når det er supermåne, og ein ser òg at han lyser mykje sterkare enn vanleg.

Best er det å sjå på supermånen når han ligg nær horisonten, det er då han vil opplevast på sitt mektigaste. Årsaka er korleis hjernen bedømmer avstand – slik at det er ein slags optisk illusjon.

Neste supermåne blir å sjå 14. juni neste år.

(©NPK)