Seks nye er smitta – heimetenesta må prioritera
132 personar er i karantene i Ullensvang.
Laurdag har seks personar i Ullensvang fått påvist smitte med koronaviruset, skriv kommunen i ei pressemelding.
Totalt har 44 personar i kommunen fått påvist smitte i det pågåande utbrotet. I dag er 21 personar isolerte. Tre har komme ut av isolasjon.
Artikkelen held fram under annonsen.
Både tilsette og brukarar i heimetenesta i Odda har fått påvist smitte, og det er utfordrande å halda tenesta i normal drift, skriv kommunen. Ein vil difor vurdera tilbodet til kvar einskild brukar. Tilbod som ikkje omfattar naudsynt helsehjelp for liv og helse, kan verta endra. Brukarane det gjeld, og dei pårørande, vil få beskjed.
Ei avdeling på Bokko bo og behandling er isolert på grunn av smitte.
