Vestland vil tenke nytt for å halde folketalet oppe

Ei offentleg utgreiing viser at folketalet i 35 av dei 43 kommunane i Vestland fylke kjem til å gå ned frå 214.000 i dag til mellom 207.000 og 211.000 innbyggarar i 2040.

– Vi har behov for å tenke nytt, seier fylkesordførar i Vestland, Jon Askeland, i ei pressemelding.

Ei offentleg utgreiing viser at folketalet i 35 av dei 43 kommunane i Vestland fylke vil gå ned dei komande 20 åra.

Kommunal- og moderniseringsdepartementet har sett ned eit utval som skal sjå på tiltak for å motverke dette. Fylkesutvalet i Vestland har vedteke høyringsvar til utgreiinga der dei støttar behovet for nytenking i distriktspolitikken.

– Vi er positive til utprøving av nye tiltak i distriktspolitikken. Desse har vore relativt uendra over mange år. Samfunnet og føresetnadene for distrikta er i endring, og då bør ein tilpasse verkemiddelapparatet til dette. For å sikre god fordeling av kompetanse og ressursar er det viktig at fylkeskommunane blir ein sentral part i gjennomføringa av tiltaka, seier fylkesordførar Jon Askeland.