Må sitja lenger i karantene
Personar i såkalla ventekarantene må no venta til nærkontakten har fått to negative prøvesvar.
Tidlegare har husstandsmedlemene til nærkontaktar sete i ventekarantene til kontakten har fått eitt negativt koronaprøvesvar.
Utvidinga, som gjeld alle i slik karantene, skal førebyggja smitte og kjem av røynsler med den britiske mutantvirusvarianten.
Artikkelen held fram under annonsen.
15 av dei 19 smittetilfella i Kvam sidan 30. januar skuldast denne virusvarianten.
— Det har vore døme på at smitte ikkje har vorte oppdaga før ved den andre testen. Denne problemstillinga tok Kvam herad opp med Folkehelseinstituttet i dag. Dei har forståing for at Kvam gjer meir omfattande tiltak etter lokale vurderingar, som å utvida ventekarantenen ut over det som ligg i dei nasjonale retningslinene, opplyser Kvam herad.
Nokre har vore i ventekarantene, men er ute av denne. Endringa kan senda nokre av desse tilbake i karantene. Smittesporarane kjem til å kontakta dei i kveld.
