Held nesten alle skulane i Kvam stengde måndag
Kvam herad treng eit pusterom for å få kontroll.
Det melder Kvam herad fredag ettermiddag, etter at situasjonen er drøfta med nasjonale styresmakter. Ordførar Torgeir Næss seier målet er å få oversyn og kontroll.
Dermed vert også Strandebarm skule, Norheimsund friskule og Kvam ungdomsskule stengde måndag på grunn av risikoen for ytterlegare spreiing av koronaviruset. Frå før var dei andre grunnskulane stengde, etter at at elevane ved Norheimsund skule vart sende heime i dag. Berre Vaksenopplæringa vil vera open måndag.
Artikkelen held fram under annonsen.
Skulane vil informera foreldra om undervisingstilbodet. Framhald av stenginga etter måndag avheng av smitteutviklinga i og over helga.
Kommuneoverlege Dag Erlend Skjelbreid seier utbreiinga av smitten er usikker. Han ber tilsette på skulane om å testa seg. Dei må stilla seg i køen bak nærkontaktar av smitta og personar med ferske symptom. I helga vil det verta meir testaktivitet enn normalt.
Dessutan vil koronatelefonen vera open i 7,5 timar både laurdag og sundag. Skjelbreid ber folk om å ikkje ringja legevakta for å avtala testing, for å unngå at andre som treng hjelp, ikkje når fram.
15 personar har fått positivt svar på koronatesten frå og med laurdag.
