Lærar smitta av koronaviruset
Ein klasse og fleire kollegaer er sette i karantene av di dei er nærkontaktar.
Det melder Kvam herad laurdag kveld. Smittetilfellet vart kjent same dag.
Den smitta er lærar ved Kvam vidaregåande skule, som held til i Øystese og Norheimsund.
Artikkelen held fram under annonsen.
Smittesporing er gjennomført. Dersom nokon av nærkontaktane som vert testa, får positivt svar, kan det verta naudsynt med meir smittesporing, ifølgje heradet.
Skulen held fram på det såkalla gule nivået, som inneber at klassane vert rekna som kohortar, men at digital undervising ikkje er naudsynt.
