Tilsette vil drøfta kjøp av «Blåhuset»
Fleire tilsette er inne på tanken på å overta kommunehuset i Jondal.
Det går fram av eit brev på vegner av dei tilsette, signert Gro Heidi Åsen, Torkjell Tolo og Ragnvald Joakimsen til kommunen. Dei har bede om eit møte med kommunen for å drøfta saka.
– Dersom me som tilsette kan overta, vil det kunna vere med på å sikra desse arbeidsplassane i denne delen av kommunen. Dei tilsette ved kommunehuset ber difor om eit møte med kommunen der me ynskjer å drøfta eit kjøp av kommunehuset i Jondal og vidare ein leigeavtale med kommunen, skriv dei.
Artikkelen held fram under annonsen.
Som HF har skrive tidlegare, har kommunestyret vedteke å selja kommunehuset. Rådmann Ole-Jørgen Jondahl har opplyst at kommunen vurderer å leiga delar av huset til kommunal bruk.
