Oppmodar om å droppe oppdrettslaks
Danmarks Naturfredningsforening kritiserer norsk lakseoppdrett, og meiner det norske havbruket er dårleg for miljøet.
– Det norske havbruket er ein miljøsyndar. – Dropp den norske oppdrettslaksen, skriv Danmarks Naturfredningsforening, på nettsidene sine, sitert av E24.
Foreininga, som har 130.000 medlemmer, viser til lakselus, forureining og medisinrestar i oppmodinga til lesarane om å droppe laksen på matbordet.
Artikkelen held fram under annonsen.
Dei hevdar i artikkelen at kvar femte oppdrettslaks døyr i produksjonen, mellom anna på grunn av lakselus, viser til forureining forårsaka av laksefôr og -medisin, moglege restar av sprøytegift og medisin i laksen, og fleire problem med lakselus.
Dei kritiserer òg norsk lakseoppdrett i utlandet, og skriv mellom anna at atlanterhavslaksen truar villfisken i Stillehavet om han slepp ut frå anlegg i Chile.
Jon Arne Grøttum, direktør for havbruk i Sjømat Norge, meiner at artikkelen frå naturvernarane baserer seg på feil fagleg grunnlag.
– Norsk laks har verken medisinrestar eller tilsetningsstoff, seier Grøttum.
Danmarks Naturfredningsforening har 130.000 medlemmer. Det var Naturpress som først skreiv om saka.
