– Kvar står planarbeidet?
Linda Merkesdal (Ap) vil vita stoda i planane om tunnel mellom Nordrepollen og Austrepollen.
– Dei siste dagane har uvêret herja Vestlandet. Fleire kommunar har opplevd ras, flaum og stengte vegar. Ein av desse vegane er den svært rasutsette strekninga mellom Nordrepollen og Austrepollen. 17. november gjekk det eit nytt ras på strekninga. Dette er pendlarveg for både vaksne og born, skriv Merkesdal.
Ho viser til at det er laga eit forprosjekt for ny tunnel, og at det tidlegare er signalisert at fylkeskommunen skal regulera traseen. Merkesdal ynskjer å vita kvar planarbeidet står og om prosjektet kan prioriterast i Regional transportplan.
Artikkelen held fram under annonsen.
Fylkesadministrasjonen må svara på spørsmåla i møtet i hovudutval for samferdsle og mobilitet onsdag. Merkesdal er medlem i utvalet.
