Snøkav i vente i vest

Opp mot 40 centimeter snø er varsla i Nordfjord torsdag. I heile Vestland fylke og i Rogaland bør vinterdekka vere på.

I begge fylka er det venta opptil 20 centimeter snø over 100–300 meter over havet, men altså dobbelt så mykje i Nordfjord. Mengda snø vil variere lokalt, mest snø kjem det i nordlege område, ifølgje Yr.

Onsdag kveld var det allereie meldt om vanskeleg føre på Stadlandet, der eit vogntog hadde køyrt seg fast i snøen.

Natt til torsdag er det dessutan varsla liten til full storm på kysten og utsette stader, lokalt med vindkast på 33–37 meter i sekundet.

Vinden skal minke litt torsdag morgon, men aukar igjen om formiddagen til same styrke.

(©NPK)