23.000 har teke influensavaksine i apotek
Frå i år er det mogleg å ta influensavaksine i apotek utan resept frå lege. Dei to vekene han har vore tilgjengeleg, har 23.000 brukt moglegheita.
77 prosent av vaksinane har vorte teke ut av ein farmasøyt i apoteket, ifølgje tal frå Farmaloggs legemiddelstatistikk. Resten av kundane har hatt resept frå lege, men valde å setje vaksinen i apoteket, opplyser Apotekforeningen i ei pressemelding.
Fram til 1. desember er det berre folk i risikogruppene som har moglegheit til å få vaksinen.
Artikkelen held fram under annonsen.
Dersom ein heller tek influensavaksinen hos fastlegen, kan ein få han for 50 kroner, eller gratis dersom ein har nådd eigendelstaket og fått frikort, opplyser Helsedirektoratet.
Apoteka blir ikkje subsidierte slik legane blir, og kan derfor ikkje tilby vaksinen til denne sterkt redusert prisen.
(©NPK)
